दक्षिण मध्य क्षेत्र सांस्कृतिक केंद्राची वार्षिक सभा संपन्न




स्थैर्य, मुंबई, दि. 01 : दक्षिण मध्य क्षेत्र सांस्कृतिक केंद्राच्या नियामक मंडळाची वार्षिक सभा राज्यपाल तसेच केंद्राचे अध्यक्ष भगतसिंह कोश्यारी यांच्या अध्यक्षतेखाली डिजिटल माधमातून संपन्न झाली. यावेळी केंद्राचे सांस्कृतिक कार्यक्रम, २०१८-१९ वर्षासाठी वार्षिक लेखे व प्रशासकीय बाबींवर चर्चा झाली.

दक्षिण मध्य सांस्कृतिक केंद्राच्या परिक्षेत्रात आंध्र प्रदेश, कर्नाटक, मध्य प्रदेश तेलंगणा, छत्तीसगड व महाराष्ट्र ही राज्ये येतात. केंद्राच्या माध्यमातून लोककला, आदिवासी कला, ललित कला व हस्तकलेच्या प्रसार व संवर्धनासाठी विविध कार्यक्रमांचे आयोजन केले जाते.
Previous Post Next Post