रासाटीच्या महिला सरपंचांसह पती, ग्रामपंचायत सदस्य लाचलुचपतच्या जाळ्यात




स्थैर्य, पाटण, दि. 31 : कोयना विभागातील रासाटी, ता. पाटण येथे हस्तकला व एम्ब्रॉयडरी व्यवसाय करण्यासाठी जागेचा नाहरकत दाखला देण्याच्या ठरावाची प्रत देण्यासाठी 10 हजार रुपयांची लाच स्वीकारताना रासाटीच्या महिला सरपंचासह त्यांचे पती व ग्रामपंचायत सदस्याला सातारा लाचलुचपत प्रतिबंधक विभागाने रंगेहाथ पकडले. मंगळवार, दि. 28 रोजी रात्री ही कारवाई करण्यात आली. या प्रकरणी तिघांनाही अटक करण्यात आली आहे. सरपंच सुरेखा कदम, त्यांचे पती बंडू कदम व सदस्य सचिन कदम अशी अटक केलेल्या संशयितांची नावे आहेत.

याबाबत अधिक माहिती अशी, रासाटी ग्रूप ग्रामपंचायतीत लोकनियुक्त सरपंचासह एक सदस्य एका गटाचे तर बहुमतात दुसरा गट आहे. लाचलुचपत विभागाने दिलेल्या माहितीनुसार सातारा येथील एका व्यावसायिकाने रासाटी येथे व्यवसायासाठी जागा मिळावी म्हणून ग्रामपंचायतीकडे अर्ज केला होता. रासाटी ग्रामपंचायतीची 29 जून रोजी मासिक बैठक झाली. त्यात तो ठराव बहुमताने मंजूर झाला. बहुमताने मंजूर झालेला दाखला दि. 3 जुलैला तयार झाला. मात्र तो संबंधिताला देण्यात आला नाही. ग्रामपंचायतीच्या सत्ताधारी सरपंच व सदस्याने तो आपल्याकडेच ठेवला. या ठरावाची प्रत देण्यासाठी 15 हजार रुपयांची  मागणी करण्यात आली होती. त्यानंतर तक्रारदाराने सातारा लाचलुचपत प्रतिबंधक विभागाकडे तक्रार दाखल केली. पोलीस उपअधीक्षक अशोक शिर्के यांच्या नेतृत्वाखाली पोलीस निरीक्षक अविनाश जगताप यांनी सापळा रचला. मागणी केलेली रक्कम मिळाल्यानंतर दाखला देण्यात येणार असल्याने तक्रारदाराने ठरलेल्या 15 हजारांपैकी 10 हजार रुपये ग्रामपंचयात सदस्य सचिन कदम यांना दिले. ही रक्कम स्वीकारताच लाचलुचपत प्रतिबंधक विभागाच्या पथकाने त्याला ताब्यात घेतले. त्यानंतर सरपंच व त्यांच्या पतीलाही ताब्यात घेण्यात आले आहे.
Previous Post Next Post
दैनिक स्थैर्य - Daily Sthairya

⭕ दैनिक स्थैर्य आता WhatsApp वर आहे. आमचा ग्रुप (Sthairya WhatsApp Group) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.


⭕ दैनिक स्थैर्य आता टेलीग्रामवर आहे. आमचं चॅनेल (@dailysthairya) जॉईन करण्यासाठी येथे क्लिक करा आणि ताज्या व महत्त्वाच्या बातम्या मिळवा.


⭕ दैनिक स्थैर्य आता फेसबुकवर आहे. आमचं पेज (https://www.facebook.com/dailysthairya) लाईक करण्यासाठी येथे क्लिक करा आणि ताज्या व महत्त्वाच्या बातम्या मिळवा.


⭕ दैनिक स्थैर्य आता ट्विटरवर आहे. आमचं अकाउंट (https://twitter.com/DSthairya) फॉलो करण्यासाठी येथे क्लिक करा आणि ताज्या व महत्त्वाच्या बातम्या मिळवा.


⭕ दैनिक स्थैर्य आता इंस्टाग्रामवर आहे. आमचं अकाउंट (https://www.instagram.com/dailysthairya/) फॉलो करण्यासाठी येथे क्लिक करा आणि ताज्या व महत्त्वाच्या बातम्या मिळवा.