आ. श्रीमंत शिवेंद्रसिंहराजे भोसले यांचा सातारा पालिकेच्या आजी, माजी नगरसेवकांच्यावतीने सत्कार


 स्थैर्य, सातारा, दि.१३: गेल्या कित्येक वर्षांपासून प्रलंबित आणि रखडलेला सातारा शहराच्या हद्दवाढीचा प्रस्ताव मंजूर अथक पाठपुराव्यातून मंजूर करणार्‍या आ. श्रीमंत शिवेंद्रसिंहराजे भोसले यांचा सातारा पालिकेच्या आजी, माजी नगरसेवकांच्यावतीने सत्कार करण्यात आला. दरम्यान, हद्दवाढ मंजूर झाल्याने पालिकेच्या उत्पन्नात भर पडणार असून सातारा शहरासह, त्रिशंकू भागाचा आणि शहरालगतच्या उपनगरांचा झपाट्याने विकास होईल, असा विश्‍वास आ. शिवेंद्रसिंहराजे भोसले यांनी यावेळी व्यक्त केला.शहराची हद्दवाढ झाल्यास शहरालगतच्या उपनगरे आणि त्रिशंकू भागांच्या विकासाला चालना मिळेल. सातारा शहराचा आणि आसपासच्या परिसराचा सर्वांगीण विकास साधण्यासाठी आणि नागरिकांना दर्जेदार सोयी-सुविधा मिळण्यासाठी हद्दवाढीचा प्रस्ताव मंजूर होणे अत्यावश्यक होते आणि त्यासाठीच आ. श्रीमंत शिवेंद्रसिंहराजे भोसले यांचा सातत्याने पाठपुरावा सुरू होता. त्यांच्या अभ्यासपूर्ण पाठपुराव्यामुळे चालू अधिवेशनात सातारा शहराच्या हद्दवाढीचा प्रस्ताव मंजूर झाला. दरम्यान, यानिमित्त आ. शिवेंद्रसिंहराजे यांचा आजी, माजी नगरसेवक, त्रिशंकू भागातील नागरिक आणि उपनगरातील नागरिकांनी सत्कार करून आभार मानले. यावेळी माजी नगराध्यक्ष आणि पालिकेचे विरोधी पक्षनेते अशोक मोने, पक्षप्रतोद अमोल मोहिते, नगरसेवक शेखर मोरे- पाटील, अविनाश कदम, धनंजय जांभळे, रवी ढोणे, विजय काटवटे, सौ. लीना गोरे, सौ. मनीषा काळोखे, सौ. दीपलक्ष्मी नाईक, सौ. प्राची शहाणे, सौ. सोनाली नलवडे, माजी नगराध्यक्ष नासीर शेख, सचिन सारस, माजी उपनगराध्यक्ष जयेंद्र चव्हाण, जयवंत भोसले, जगन्नाथ किर्दत, राजू गोरे, किशोर पंडित, अशोक जाधव, अतुल चव्हाण, बाळासाहेब भुजबळ, महेश महामुनी, रणजित साळुंखे, सुनील जाधव, अभिजित उबाळे, रवी माने, भाजपचे शहराध्यक्ष विकास गोसावी, अ‍ॅड. प्रशांत खामकर, विठ्ठल बलशेटवार, चंदन घोडके, राहुल शिवनामे यांच्यासह नागरिक उपस्थित होते.

Previous Post Next Post