काका मोमीन गेला , भावपूर्ण श्रद्धांजली

 

स्थैर्य, सातारा, दि.१५: सिराजुद्दीन बाबालाल मोमीन. आम्ही त्याला काका म्हणत असू. काल मला तो ११ सप्टेंबरला कोरोनामुळे गेल्याचे समजले आणि मन अस्वस्थ झाले. सातारच्या समाजवादी युवक दलापासून त्याला मी एक सहकारी कार्यकर्ता म्हणून संबंधित होतो. कविमनाचा आणि संवेदनशील असा कार्यकर्ता आपल्यातून निघून गेला आहे . खरंतर त्याला पदवीधर असूनही केवळ मुस्लिम म्हणून त्यावेळच्या युनायटेड वेस्टर्न बँकेत नोकरी दिली गेली नाही. हे त्याचे आणि आपल्यासारख्या सर्वांचेच दुर्दैव. आमचे चळवळीतले जेष्ठ सहकारी डॉक्टर नरेंद्र दाभोळकर यासंदर्भात नेहमी इतरांना उदाहरण देत असत. त्याने आपल्या गुणवत्तेच्या जोरावर रयत शिक्षण संस्थेमध्ये नोकरी मिळवली. मुळचा तो सातारा तालुक्यातील निनाम पाडळी येथील पण सातारयातच राहायचा. रयत शिक्षण संस्थेच्या विविध शाखांमधून त्याने आपली सेवा बजावली. रयत शिक्षण संस्थेमधुन सेवानिवृत्त झाले नंतर तो कुटुंबियांसमवेत करायलाच रहात होता. 

कराड नगरपालिकेने स्वच्छता अभियानासाठी घंटागाड्या वापरलेले आहेत त्या घंटा गाड्यांवर सकाळी सकाळी प्रत्येक गाडीवर " जे ओला कचरा , सुका कचरा , वेगवेगळा करू चला "असे स्वच्छता मोहिमेचे गीत ऐकायला येते. त्या गिताची रचना सन्मित्र काका यांचीच आहे. काकाचा मृत्यू मनाला वेदना देणारा आहे. त्यांनी अनेक कविता लिहिल्या. कवितासंग्रह सुध्दा प्रकाशित आहेत. कर्मवीर भाऊराव पाटील यांच्यावर " *कर्मवीर भाऊराव पाटील निर्माणाचे डोंगर आणि अनवाणी पाय* " हे पुस्तक लिहिले आहे . कोरोनामुळे तो दवाखान्यात उपचारासाठी दाखल असल्यामुळे त्याला शेवटच्या कालावधीत भेटताही आले नाही. या वेदना सतत मनात डाचत राहतील एवढे नक्की. काका च्या कुटुंबातील त्याची पत्नी , सुनबाई , मुलगा यांचेवरही कोरोनाचे दवाखान्यात उपचार सुरू आहेत. त्यांना लवकर आराम वाटतो याच सदिच्छा.
काका , तुला मनापासून आदरांजली

- विजय मांडके , 
   सातारा
Previous Post Next Post

⭕ दैनिक स्थैर्य आता WhatsApp वर आहे. आमचा ग्रुप (Sthairya WhatsApp Group) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.


⭕ दैनिक स्थैर्य आता टेलीग्रामवर आहे. आमचं चॅनेल (@dailysthairya) जॉईन करण्यासाठी येथे क्लिक करा आणि ताज्या व महत्त्वाच्या बातम्या मिळवा.


⭕ दैनिक स्थैर्य आता फेसबुकवर आहे. आमचं पेज (https://www.facebook.com/dailysthairya) लाईक करण्यासाठी येथे क्लिक करा आणि ताज्या व महत्त्वाच्या बातम्या मिळवा.


⭕ दैनिक स्थैर्य आता ट्विटरवर आहे. आमचं अकाउंट (https://twitter.com/DSthairya) फॉलो करण्यासाठी येथे क्लिक करा आणि ताज्या व महत्त्वाच्या बातम्या मिळवा.


⭕ दैनिक स्थैर्य आता इंस्टाग्रामवर आहे. आमचं अकाउंट (https://www.instagram.com/dailysthairya/) फॉलो करण्यासाठी येथे क्लिक करा आणि ताज्या व महत्त्वाच्या बातम्या मिळवा.