शिवसेनेकडून स्टार प्रचारकांची यादी जाहीर; उद्धव ठाकरे, आदित्य ठाकरेंसह संजय राऊतही प्रचारासाठी बिहारच्या मैदानात उतरणार

 

स्थैर्य, मुंबई, दि. ८: बिहार विधानसभा निवडणुकांचे बिगुल वाजलेले आहेत. निवडणुकांच्या मतदानाला अगदी काहीच आठवले शिल्लक आहेत. दरम्यान शिवसेनाही बिहार निवडणुकांच्या मैदानात उतरली आहे. यंदा शिवसेना बिहार निवडणुकांध्ये 50 जागा लढवणार आहे. आता शिवसेनेने बिहार निवडणुकांसाठी आपल्या स्टार प्रचारकांची यादी जाहीर केली आहे. यामध्ये महाराष्ट्राचे मुख्यमंत्री उद्धव ठाकरे, पर्यावरण मंत्री आदित्य ठाकरे, खासदार संजय राऊत यांच्यासोबतच 20 जणांचा समावेश आहे.

नुकतीच शिवसेनेने निवडणूक आयोगाकडे ही यादी सोपवली आहे. शिवसेनेने जाहीर केलेल्या या यादीतील सर्व नेते निवडणुकांच्या प्रचारसभेत सहभागी होणार आहे. बिहार निवडणुकीत शिवसेना 50 जागांवर निवडणूक लढवणार आहे. असे असले तरीही त्यांना धनुष्यबाण या चिन्हावर निवडणूक लढवता येणार नाही.

शिवसेनेच्या स्टार प्रचारकांची नावे
  1. मुख्यमंत्री उद्धव ठाकरे
  2. आदित्य ठाकरे
  3. सुभाष देसाई
  4. संजय राऊत
  5. चंद्रकांत खैरे
  6. अनिल देसाई
  7. विनायक राऊत
  8. अरविंद सावंत
  9. गुलाबराव पाटील
  10. राजकुमार बाफना
  11. प्रियांका चतुर्वेदी
  12. राहुल शेवाळे
  13. कृपाल तुमाने
  14. सुनिल चिटणीस
  15. योगराज शर्मा
  16. कौशलेंद्र शर्मा
  17. विनय शुक्ला
  18. गुलाबचंद दुबे
  19. अखिलेश तिवारी
  20. अशोक तिवारी
तीन टप्प्यात होणार निवडणुका
बिहार विधानसभा निवडणुका तीन टप्प्यात घेतल्या जाणार आहेत. पहिल्या टप्प्याचे मतदान 28 ऑक्टोबर रोजी पार पडणार आहे. दुसऱ्या टप्प्यातील मतदान 3 तर तिसऱ्या टप्प्यातील मतदान 7 नोव्हेंबर रोजी होणार आहे. यासोबतच निवडणुकांचे निकाल 10 नोव्हेंबर रोजी जाहीर होतील. याव्यतिरिक्त कोरोना महासाथीच्या पार्श्वभूमीवर यावेळी मतदारांना एका तासाचा अधिक कालावधी वाढवण्यात आला आहे.